Оваа недела во Скопје, #SingleMarketAcademy (SMA), обедини 30 професионалци и институционални лидери од институциите за инфраструктура за квалитет од Западен Балкан, 

со цел да истражат како зголемената регионална соработка, координираните реформи и системскиот пристап можат да ја поддржат постепената интеграција на регионот во Единствениот европски пазар.

Работејќи заедно со меѓународни експерти, учесниците ја разгледаа улогата на инфраструктурата за квалитет во #EUSingleMarket, ги анализираа импликациите од новата законодавна рамка, ја оценуваа готовноста на националните системи за инфраструктура за квалитет и идентификуваа практични начини за зајакнување на институциите и регионалната соработка.

Програмата ги опфаќа стратешките дискусии со практични аналитички алатки, овозможувајќи им на учесниците да размислат за идните приоритети, институционалниот развој и поблиското усогласување со европските стандарди.

Безбедните производи, фер конкуренцијата и полесниот пристап до Единствениот европски пазар зависат од добрите системи за инфраструктура на квалитет и од професионалците кои стојат зад нив. 

Секојдневно, експертите за пазарен надзор, стандардизација, акредитација и метрологија работат на проверка на производите од аспект на квалитет и безбедност, истовремено овозможувајќи им на бизнисите да бидат поконкурентни и да тргуваат преку границите.

Свое присуство и свое излагање во SMA, од Институт за стандардизација имаа директор на ИСРСМ г-дин Газменд Алиу и д-р Ружица Јовановиќ-Малиновска, раководител на одд. за соработка со клиенти. 

 Академијата е поддржана од Европската Унија и германската Влада преку проектот #EU4Trade, имплементирана е од #ГИЗ во рамките на пошироката програма #RegioTrade и продолжува да служи како регионална платформа за учење, размена на знаења и професионален развој.

Izvor:  isrsm.gov.mk